ព្រឹកថ្ងៃទី ២៦ ឧសភា លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត អនុប្រធានគណៈប្រចាំការ នៃគណៈកម្មាធិការសុវត្ថិភាពចរាចរណ៍ខេត្ត អានយ៉ាង បានអញ្ជើញជាអធិបតីភាពសន្និបាតបូកសរុបការងារធានាសុវត្ថិភាពចរាចរណ៍ និងសណ្តាប់ធ្នាប់ក្នុងរយៈពេល ៦ ខែដើមឆ្នាំ និងផ្សព្វផ្សាយទិសដៅ ភារកិច្ច ៦ខែចុងឆ្នាំ ២០២៣ ។
ទិដ្ឋភាពសន្និបាត
ប្រតិភូចូលរួមសន្និបាត
ប្រតិភូថ្លែងបទអន្តរាគមន៍ក្នុងសន្និបាត
លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត អនុប្រធានគណៈប្រចាំការនៃគណៈកម្មាធិការសុវត្ថិភាពចរាចរណ៍ខេត្ត អានយ៉ាងថ្លែងមតិបញ្ចប់សន្និបាត
ថ្លែងមតិណែនាំសន្និបាត លោក ឡេ វ៉ាន់ភឿក អនុប្រធានគណៈកម្មាធិការប្រជាជនខេត្ត អនុប្រធានគណៈប្រចាំការនៃគណៈកម្មាធិការសុវត្ថិភាពចរាចរណ៍ខេត្ត អានយ៉ាង តម្រូវថា៖ ចាប់តាំងពីពេលនេះ ដល់ដំណាច់ឆ្នាំ ២០២៣ ស្ថាប័ន អង្គភាព និងមូលដ្ឋានត្រូវផ្តោតលើការផ្សព្វផ្សាយ និងអនុវត្តប្រកបដោយប្រសិទ្ធភាពនូវឯកសារណែនាំរបស់មជ្ឈិមនិងខេត្ត ស្តីពីការធានាសុវត្ថិភាព និងសណ្តាប់ធ្នាប់ចរាចរណ៍។ គណៈកម្មការសុវត្ថិភាពចរាចរណ៍ខេត្ត បន្តធ្វើជាអធិបតីភាព និងសហការជាមួយស្ថាប័នសមាជិក បង្កើតផែនការ និងរៀបចំអនុវត្តសកម្មភាពឃោសនា អំពីធានាសណ្តាប់ធ្នាប់ និងសុវត្ថិភាពចរាចរណ៍ ច្បាមជាប់ប្រធានបទ ឆ្នាំសុវត្ថិភាពចរាចរណ៍ ២០២៣ “គោរពច្បាប់ដើម្បីបង្កើតវប្បធម៌ចរាចរណ៍ប្រកបដោយសុវត្ថិភាព”។ជាពិសេសបង្កើនអនុវត្តវិធានការផ្សព្វផ្សាយ និងអប់រំចំណេះដឹងអំពីសុវត្ថិភាពចរាចរណ៍ដល់សិស្សានុសិស្ស។ ទន្ទឹមនឹងនោះ តាមដាន រម្លឹកដល់ស្ថាបន អង្គភាព និងមូលដ្ឋាន ក្នុងការបំពេញភារកិច្ចធានាសណ្តាប់ធ្នាប់ និងសុវត្ថិភាពចរាចរណ៍ ដើម្បីវាយតម្លៃហេតុផល បញ្ហាស្ថិតស្ថេរ នៅមានកំហិត និងលើកឡើងដំណោះស្រាយ ដើម្បីកាត់បន្ថយគ្រោះថ្នាក់ចរាចរណ៍។
មន្ទីរគនាគមន៍ដឹកជញ្ជូនបង្កើនការងារគ្រប់គ្រង និងឃ្លាំមើលសកម្មភាពដឹកជញ្ជូនរបស់អង្គភាពអាជីវកម្មដឹកជញ្ជូនលើភូមិសាស្ត្រខេត្ត។ មានផែនការគ្រប់គ្រង កែតម្រូវ និងដោះស្រាយយ៉ាងតឹងរ៉ឹងតាមរយៈឧបករណ៍ឃ្លាំមើលរដ្ឋបាលលើមធ្យោបាយដឹកជញ្ជូន។ត្រួតពិនិត្យ និងដោះស្រាយការរំលោភបំពានចំពោះអង្គការអាជីវកម្មដឹកជញ្ជូន និងសេវាកម្មគាំទ្រដឹកជញ្ជូន។ ធ្វើល្អការងារគ្រប់គ្រង និងថែទាំហេដ្ឋារចនាសម្ព័ន្ធចរាចរណ៍ផ្លូវគោក។បង្កើនសហការជាមួយអាជ្ញាធរមូលដ្ឋាន និងអង្គភាពសមត្ថកិច្ច ប្តេជ្ញាដោះស្រាយយ៉ាងម៉ឺងម៉ាត់លើទង្វើរំលោភបំពានរបៀងសុវត្ថិភាពផ្លូវគោក និងផ្លូវទឹកក្នុងប្រទេស។
ស្នងការដ្ឋាននគរបាលខេត្តផ្សព្វផ្សាយអនុវត្តចំណុចកំពូលក្នុងការធានាសណ្តាប់ធ្នាប់សុវត្ថិភាពចរាចរណ៍ ក្នុងឱកាសបុណ្យទាននិងបុណ្យចូលឆ្នាំថ្មីប្រពៃណីវៀតណាម។ ចាត់វិធានការបែងចែកលំហូរចរាចរណ៍ ធានាសុវត្ថិភាពចរាចរណ៍រលូន។ បង្កើនការល្បាត ត្រួតពិនិត្យ និងដោះស្រាយយ៉ាងតឹងរ៉ឹងនូវទង្វើល្មើសច្បាប់ស្តីពីសណ្តាប់ធ្នាប់និងសុវត្ថិភាពចរាចរណ៍។ ក្នុងនោះ ផ្តោតលើការដោះស្រាយទង្វើរំលោភបំពានបទប្បញ្ញត្តិកម្រិតជាតិអាកុល គ្រឿងញៀន បើកបរលើសល្បឿនកំណត់ ដឹកមនុស្សលើសចំនួនកំណត់ និងដឹកទំនិញលើសទម្ងន់កំណត់។ល។
ថ្នាក់ដឹកនាំ ប្រធានបណ្តាស្ថាបន អង្គភាព និងមូលដ្ឋានលើភូមិសាស្ត្រខេត្ត ត្រូវតែក្រើនរំលឹកជាប្រចាំដល់កម្មាភិបាល អ្នករដ្ឋការ បុគ្គលិក និងពលករក្នុងស្ថាបននិងអង្គភាពនានា ឲ្យគំរូក្នុងការអនុវត្តម៉ឹងមាត់បទបញ្ញតិ ស្តីពីច្បាប់ចរាចរណ៍ផ្លូវគោក ជាពិសេស “បើពិសារគ្រឿងស្រវឹង-សូមកុំបើកបរ”។ល។ដោយក្នុងគោលបំណងខិតខំប្រឹងប្រែងកាត់បន្ថយគ្រោះថ្នាក់ចរាចរណ៍នៅកម្រិតទាបបំផុតក្នុងភូមិសាស្ត្រ៕
ប្រែ៖ ណារីពៅ