មន្ទីរវប្បធម៌ កីឡា និងទេសចរណ៍ ខេត្តអានយ៉ាង បានសហការជាមួយគណៈកម្មាធិការប្រជាជនស្រុក ចូវថាញ់ រៀបចំពិធីបើកមហោស្រពវប្បធម៌ កីឡា និងទេសចរណ៍ចាមលើកទី ១០ របស់ខេត្ត អានយ៉ាង ឆ្នាំ ២០២៤។
ការសម្តែងសិល្បះនៅក្នុងពិធីបើក
ប្រតិភូចូលរួមពិធីបើក
លោក គីក្វាង អនុលេខាបក្ខភាគស្រុក ប្រធានគណៈកម្មាធិការប្រជាជនស្រុក ចូវថាញ់ ថ្លែងសុន្ទរកថាស្វាគមន៍ក្នុងពិធីបើកមហោស្រពវប្បធម៌ កីឡា និងទេសចរណ៍ចាមលើកទី ១០ នៅខេត្ត អានយ៉ាង ឆ្នាំ ២០២៤។
លោក ង្វៀនខាញ់ហ៊ីប ប្រធានមន្ទីរវប្បធម៌ កីឡា និងទេសចរណ៍ខេត្ត អានយ៉ាង ជូនផ្កាថ្នាក់ដឹកនាំគណៈកម្មាធិការប្រជាជនស្រុក ចូវថាញ់ ដែលជាម្ចាស់ផ្ទះរៀបចំពិធីបុណ្យ
លោក ង្វៀនខាញ់ហ៊ីប ប្រធានមន្ទីរវប្បធម៌ កីឡា និងទេសចរណ៍ខេត្ត អានយ៉ាង ថ្លែងសុន្ទរកថាបើកមហោស្រពវប្បធម៌ កីឡា និងទេសចរណ៍ចាមលើកទី ១០ ឆ្នាំ ២០២៤។
លោក ដាវស៊ីទ្វឺន អនុប្រធានមន្ទីរវប្បធម៌ កីឡា និងទេសចរណ៍ អានយ៉ាង និងលោក ហូហ៊ឺវតៃ អនុប្រធានគណៈកម្មាធិការប្រជាជនស្រុក ចូវថាញ់ ជូនផ្កា និងទង់អនុស្សាវរីយ៍តំណាងឲ្យភូមិចាមចំនួន ៨ ក្នុងខេត្ត
លោក ហូហ៊ឺវតៃ អនុប្រធានគណៈកម្មាធិការប្រជាជនស្រុកចូវថាញ់ជូនផ្កាគណកម្មការ និងតំណាងក្រុមអាជ្ញាកណ្តាលក្នុងពិធីបុណ្យ
លោក ទ្រឿងហ្វាងត្រុង អនុប្រធានគណៈកម្មាធិការរណសិរ្សមាតុភូមិវៀតណាមខេត្ត។ លោក ង្វៀនខាញ់ហ៊ីប ប្រធានមន្ទីរវប្បធម៌ កីឡា និងទេសចរណ៍ខេត្ត អានយ៉ាង ប្រធានគណៈកម្មការរៀបចំពិធីបុណ្យ។ លោក ឡេភឿកយុង លេខាបក្ខភាគស្រុក ចូវថាញ់ រួម ជាមួយថ្នាក់ដឹកនាំមន្ទីរ ផ្នែកខេត្ត និងប្រជាជនមកចូលរួមយ៉ាងច្រើនកុះករ។
ការសម្តែងមហោស្រពសិល្បៈមហាជនរបស់បណ្តាអង្គភាពបន្ទាប់ពីពិធីបើក
មហោស្រពវប្បធម៌ កីឡា និងទេសចរណ៍ជនជាតិចាមលើកទី ១០ ឆ្នាំ ២០២៤ ប្រព្រឹត្តទៅចាប់ពីថ្ងៃទី ១៧ ដល់ថ្ងៃទី ១៩ មេសា នៅស្រុក ចូវថាញ់ ដោយមានការចូលរួមពីសិប្បករ តារាសម្ដែង កីឡាករ កីឡាការិនីមហាជន មកពីភូមិចាមចំនួន ៨ ក្នុងខេត្ត ចូលរួមក្នុងសកម្មភាព៖ ប្រកួតកីឡា សម្ដែងសិល្បៈ បង្ហាញអំពីសម្លៀកបំពាក់ប្រពៃណី ណែនាំវប្បធម៌ធ្វើម្ហូប និងការតាំងពិព័រណ៍រូបថតសមិទ្ធិផលសេដ្ឋកិច្ច វប្បធម៌ សង្គមរបស់ជនជាតិភាគតិចចាម អានយ៉ាង។
មហោស្រពវប្បធម៌ កីឡា និងទេសចរណ៍របស់ប្រជាជនចាមនៅខេត្ត អានយ៉ាង គឺជាសកម្មភាពសហគមន៍តភ្ជាប់ ជួបជុំធ្លុងមហាសាមគ្គីបណ្តាជនជាតិ បង្ហាញពីការយកចិត្តទុកដាក់របស់បក្ស រដ្ឋ និងអាជ្ញាធរគ្រប់លំដាប់ថ្នាក់ចំពោះជនជាតិភាគនិយាយរួមនិងជនជាតិភាគតិចចាមនៅខេត្តអានយ៉ាងនិយាយដោយឡែក។
តាមរយៈមហោស្រពនេះ បានបង្កើតលក្ខខណ្ឌអំណោយផលសម្រាប់សិប្បករ តារាសម្ដែង និងអត្តពលិកក្នុងការជួបប្រាស្រ័យទាក់ទងគ្នា ផ្លាស់ប្តូរបទពិសោធន៍ និងចូលរួមក្នុងសកម្មភាពផ្លាស់ប្តូរវប្បធម៌ កីឡា រួមចំណែកអភិរក្ស និងលើកតម្កើងតម្លៃវប្បធម៌ប្រពៃណី។ ទន្ទឹមនឹងនោះ គឺជាឱកាសមួយដើម្បីផ្សព្វផ្សាយសក្តានុពលទេសចរណ៍ និងរូបភាពរបស់ជនជាតិចាមអានយ៉ាង ដែលសម្បូរទៅដោយទឹកចិត្តស្នេហាជាតិ ឧស្សាហ៍ព្យាយាម និងច្នៃប្រឌិត ប្រកៀកស្មាជាមួយជនជាតិបងប្អូនកសាងមាតុភូមិដ៏សម្បូរបែប និងស្រស់ស្អាត៕
ប្រែ៖ ណារីពៅ
