យប់ថ្ងៃទី ២៨ ឧសភា នៅទីក្រុងចូវដុក គណៈកម្មាធិការប្រជាជនខេត្តអនាយ៉ាង បានរៀបចំពិធីបុណ្យលោកយាយភ្នំស្វាម ឆ្នាំ២០២៤ - អបអរសាទរខួបលើកទី ១០ឆាំ្ន ពិធីបុណ្យនេះបានបញ្ចូលទៅក្នុងបញ្ជីបេតិកភណ្ឌវប្បធម៌អរូបីជាតិ (២០១៤- ២០២៤)។ លោក ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង ប្រធានគណៈកម្មការដឹកនាំថ្ងៃបុណ្យធំៗនៅខេត្តអានយ៉ាង បានចូលរួម និងដឹកនាំពិធីបើកពិធីបុណ្យ។ អញ្ជើញចូលរួមក្នុងពិធីនេះក៏មានលោក ឡេវ៉ាន់នឹង អនុលេខាអចិន្ត្រៃយ៍បក្ខភាគខេត្ត ប្រធានក្រុមប្រឹក្សាប្រជាជនខេត្ត។ លោក ឡេវ៉ាន់ភឿក សមាជិកគណៈអចិន្ត្រៃយ៍បក្ខភាគខេត្ត អនុប្រធានគណៈកម្មាធិការប្រជាជនខេត្ត ប្រធានគណៈកម្មាធិការរៀបចំពិធីបុណ្យ សមាជិកគណៈអចិន្ត្រៃយ៍បក្ខភាគខេត្ត។ថ្នាក់ដឹកនាំយោធភូមិភាគទី៩ តំបន់ ៥ កងទ័ពជើងទឹក។ ថ្នាក់ដឹកនាំនៅតាមខេត្ត ក្រុង។ថ្នាក់ដឹកនាំនៅតាមស្រុក ទីរួមខេត្ត ក្រុងក្នុង និងក្រៅខេត្ត និងប្រជាជន ភ្ញៀវទេសចររាប់ពាន់នាក់មកពីក្នុងប្រទេសទាំងមូលចូលរួម។
គណៈប្រតិភូចូលរួមពិធីបើកពិធីបុណ្យលោកយាយភ្នំស្វាឆ្នាំ ២០២៤ - អបអរសាទរខួបលើកទី ១០ឆាំ្ន ពិធីបុណ្យបានបញ្ចូលក្នុងបញ្ជីបេតិកភណ្ឌវប្បធម៌អរូបីជាតិ (២០១៤-២០២៤)
ទស្សនីយភាពសម្តែងបើកពិធីបុណ្យលោកយាយភ្នំស្វាម ក្នុងឆ្នាំ ២០២៤ - អបអរសាទរខួបលើកទី ១០ឆាំ្នពិធីបុណ្យបានបញ្ចូលក្នុងបញ្ជីបេតិកភណ្ឌវប្បធម៌អរូបីជាតិ
លោក ឡេវ៉ាន់ភឿក សមាជិកគណៈអចិន្ត្រៃយ៍បក្ខភាគខេត្ត អនុប្រធានគណៈកម្មាធិការប្រជាជនខេត្តអានយ៉ាង ប្រធានគណៈកម្មការរៀបចំពិធីបុណ្យថ្លែងសុន្ទរកថាបើកពិធីបុណ្យ
ប្រគល់ប័ណ្ណសរសើរគណៈកម្មាធិការប្រជាជនខេត្តអានយ៉ាង ដល់សមូហភាព និងបុគ្គលគំរូដែលបានរួមចំណែកជាច្រើនក្នុងការអភិរក្ស និងលើកពង្រីកតម្លៃបេតិកភណ្ឌវប្បធម៌អរូបីជាតិនៃពិធីបុណ្យលោកយាយភ្នំស្វាម
ប្រគល់ប័ណ្ណសរសើររបស់ គណៈកម្មាធិការប្រជាជនទីក្រុងចូវដុក ដល់សមូហភាព និងបុគ្គលដែលមានស្នាដៃឆ្នើមក្នុងការអភិរក្ស និងពង្រីកតម្លៃបេតិកភណ្ឌវប្បធម៌អរូបីរបស់ជាតិ ពិធីបុណ្យលោកយាយភ្នំស្វាមនៅលើភូមិសាស្ត្រទីក្រុងចូវដុក
ជូនផ្កា និងប័ណ្ណសរសើរដល់អង្គភាព ដែលរួមចំណែកសម្រាប់កម្មវិធីបុណ្យលោកយាយភ្នំស្វាមឆ្នាំ២០២៤
លោក ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង ប្រធានគណៈកម្មការដឹកនាំពិធីបុណ្យធំៗនៅខេត្ត អានយ៉ាង បានដំណើរការពិធីទូងស្គរបើកពិធីបុណ្យលោកយាយភ្នំស្វាមឆាំ្ន២០២៤ - អបអរសាទរខួបលើកទី១០ ឆាំ្នពិធីបុណ្យលោកយាយភ្នំស្វាមបានបញ្ចូលក្នុងបញ្ជីបេតិកភណ្ឌវប្បធម៌អរូបីជាតិ (២០១៤-២០២៤)
សម្តែង Dronelight អបអរសាទរពិធីបើកពិធីបុណ្យ
បណ្តាទស្សនីយភាពកម្មវិធីសិល្បះក្នុងពិធីបើកពិធីបុណ្យក្រោមប្រធានបទ “ដែនដីដ៏ពិសិដ្ឋ”
ទីក្រុងចូវដុក - តំបន់ដីមាន “ទន្លេ ៣ នៅពីមុខនិងភ្នំ ៧ នៅពីក្រោយ” ជាមួយនឹងតំបន់ទេសចរណ៍ជាតិ នុយសាម មានសារីរិកធាតុប្រវត្តិសាស្ត្រ និងវប្បធម៌ជាច្រើនបានរៀបចំណាត់ថ្នាក់ថ្នាក់ជាតិ និងខេត្ត។ វត្តលោកយាយភ្នំស្វាមគឺជាសារីរិកធាតុប្រវត្តិសាស្ត្រមួយក្នុងចំណោមសារីរិកធាតុប្រវត្តិសាស្ត្រ និងវប្បធម៌ចំនួន៦ ដែលបានរៀបចំណាត់ថ្នាក់ថ្នាក់ជាតិនៅលើភូមិសាស្ត្រក្នុងទីរួមខេត្តចូវដុក គឺជាវត្តមួយបានសាងសង់ ស្ថិតថេរ និងអភិវឌ្ឍន៍អស់រយៈពេលជិត ២០០ ឆ្នាំមកហើយ។ ភ្ជាប់ជាមួយសារីរិកធាតុប្រវត្តិសាស្ត្រលោកយាយភ្នំស្វាមគឺជាពិធីបុណ្យលោកយាយភ្នំស្វាម ដែលទាក់ទាញភ្ញៀវទេសចររាប់លាននាក់មកទស្សនា និងគោរពបូជាជារៀងរាល់ឆ្នាំ។ ពិធីបុណ្យប្រពៃណីរបស់ខេត្តអានយ៉ាង ត្រូវបានទទួលស្គាល់ជាបេតិកភណ្ឌវប្បធម៌អរូបីរបស់ជាតិ និងឆ្ពោះទៅជាវត្ថុតំណាងរបស់មនុស្សជាតិ។ប្រការនេះបញ្ជាក់ពីជំហររបស់ពិធីបុណ្យនៅក្នុងជីវិតខាងវិញ្ញាណ និងប្រជុំជីវភាពជំនឿរបស់សហគមន៍មិនត្រឹមតែនៅភាគខាងត្បូងប៉ុណ្ណោះទេ ថែមទាំងនៅក្នុងប្រទេសទាំងមូល និងមានការផ្សារភ្ជាប់ជាមួយសហគមន៍អន្តរជាតិផងដែរ។
ថ្លែងមតិបើកពិធីបុណ្យ លោក ឡេវ៉ាន់ភឿក សមាជិកគណៈអចិន្ត្រៃយ៍បក្ខភាគខេត្ត អនុប្រធានគណៈកម្មាធិការប្រជាជនខេត្តអានយ៉ាង ប្រធានគណៈកម្មការរៀបចំពិធីបុណ្យ បានសង្កត់ធ្ងន់។ អានយ៉ាង មានពិធីបុណ្យធំតូចជាង ១០០ហើយពិធីបុណ្យលោកយាយភ្នំស្វាម គឺជាពិធីបុណ្យប្រពៃណីមួយដែលមានតម្លៃវប្បធម៌ខាងវិញ្ញាណពិសេសរបស់តំបន់ចូវដុក និយាយដោយឡែកនិងអានយ៉ាងនិយាយរួម។ ពិធីបុណ្យលោកយាយភ្នំស្វាមបានប្រព្រឹត្តទៅចាប់ពីថ្ងៃទី ២២ ដល់ថ្ងៃទី ២៧ ខែ ៤ ច័ន្ទគតិ គឺជាពិធីបុណ្យដ៏ធំមួយ ដែលបង្កប់ទៅដោយអត្តសញ្ញាណវប្បធម៌របស់ប្រជាជនតំបន់ទន្លេភាគខាងត្បូង ឆ្លុះបញ្ចាំងពីសកម្មភាពជំនឿ និងសកម្មភាពវប្បធម៌ខាងវិញ្ញាណរបស់ប្រជាជនមូលដ្ឋាន ដែលបង្កប់នៅលក្ខណៈសហគមន៍ខ្ពស់។ ពិធីបុណ្យនេះបង្ហាញពីអត្តសញ្ញាណ និងការបន្តវេនរបស់សហគមន៍វៀតណាមក្នុងដំណើរការផ្លាស់ប្តូរវប្បធម៌ជាមួយសហគមន៍ជនជាតិខ្មែរ ចិន និងចាម។ ពិធីបុណ្យលោកយាយភ្នំស្វាម ក៏ជាឱកាសមួយសម្រាប់ប្រជាជនបង្ហាញពីការស្រឡាញ់ ការដឹងគុណ និងការគោរពចំពោះអ្នកដែលមានសគុណចំពោះប្រជាជន ចំពោះប្រទេសជាតិ។ ជារៀងរាល់ឆ្នាំ ពិធីបុណ្យលោកយាយភ្នំស្វាម បានទាក់ទាញភ្ញៀវទេសចររាប់លាននាក់មកពីក្នុង និងក្រៅខេត្តមកទស្សនា និងធ្វើធម្មយាត្រា។
ជាមួយនឹងតម្លៃដ៏ឆ្នើមនោះ នៅឆ្នាំ ២០១៤ ពិធីបុណ្យលោកយាយភ្នំស្វាមបានរដ្ឋមន្ត្រីក្រសួងវប្បធម៌ កីឡា និងទេសចរណ៍ចុះឈ្មោះចូលបញ្ជីបេតិកភណ្ឌវប្បធម៌អរូបីជាតិ។ដោយយល់ឃើញនូវសារៈសំខាន់នៃការការពារបេតិកភណ្ឌ ១០ឆ្នាំកន្លងទៅនេះ បក្ខភាគ និងអាជ្ញាធរខេត្តអានយ៉ាង តែងតែយកចិត្តទុកដាក់ដឹកនាំ និងណែនាំការងារអភិរក្ស ការពារ និងពង្រីកតម្លៃបេតិកភណ្ឌវប្បធម៌ក្នុងបុព្វហេតុអភិវឌ្ឍន៍សេដ្ឋកិច្ចសង្គមកិច្ច។ចាត់ទុកនេះជាកិច្ចការដ៏សំខាន់មួយក្នុងចំណោមកម្លាំងចលករបង្កើតអត្តសញ្ញាណនិងកម្លាំងផ្ទៃក្នុងក្នុងដំណើរការអភិវឌ្ឍរបស់ខេត្ត។
មកដល់ពេលនេះ ពិធីបុណ្យលោកយាយភ្នំស្វាម បានរៀបចំសិក្ខាសាលានៅក្នុងប្រទេស និងអន្តរជាតិបាន ០២លើក។ ឆ្នាំ ២០២៣ នៅវេទិកាផ្លាស់ប្តូរសេដ្ឋកិច្ច និងវប្បធម៌វៀតណាម - ឥណ្ឌា ពិធីបុណ្យលោកយាយភ្នំស្វាម បានលើកតម្កើងជា “សកម្មភាពវប្បធម៌គំរូនៅអាស៊ី-ប៉ាស៊ីហ្វិក” ដោយសារមានការរួមចំណែកជាវិជ្ជមានសម្រាប់ការអភិវឌ្ឍន៍ផ្នែកទេសចរណ៍របស់វៀតណាម។
ប្រការដែលគួរឲ្យចាប់អារម្មណ៍ ខេត្តអានយ៉ាង បានរដ្ឋាភិបាលយល់ស្រប ដាក់ឯកសារទៅអង្គការយូណេស្កូ ដើម្បីចុះបញ្ជីពិធីបុណ្យលោកយាយភ្នំស្វាមទៅក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ។ ឯកសារនេះត្រូវបានគេរំពឹងថានឹងបានពិចារណា និងអនុម័តនៅក្នុងកិច្ចប្រជុំលើកទី ១៩ នៅខែធ្នូ ឆ្នាំ ២០២៤។ ប្រការនេះ បញ្ជាក់ពីតម្លៃ និងសារៈសំខាន់នៃពិធីបុណ្យក្នុងជីវភាពស្មារតីនៃការប្រជុំជីវភាពជំនឿរបស់សហគមន៍ មិនត្រឹមតែនៅភាគខាងត្បូងប៉ុណ្ណោះទេ គឺទាំងប្រជាជនវៀតណាម និងមានការផ្សារភ្ជាប់ស្អិតរមួតជាមួយសហគមន៍អន្តរជាតិផងដែរ។
ក្នុងឱកាសនេះ គណៈកម្មាធិការប្រជាជនខេត្ត អានយ៉ាង បានប្រគល់ប័ណ្ណសរសើរដល់បក្ខភាគ អាជ្ញាធរ និងប្រជាជនទីក្រុងចូវដុក គណៈគ្រប់គ្រងវត្តលោកយាយភ្នំស្វាម ជាមួយនិងបុគ្គល ៦នាក់ ដែលបានរួមចំណែកយ៉ាងសកម្មក្នុងការអភិរក្ស និងពង្រីកតម្លៃបេតិកភណ្ឌវប្បធម៌អរូបីជាតិពិធីបុណ្យ លោកយាយភ្នំស្វាម ក្នុងរយៈពេល ១០ឆ្នាំកន្លងទៅនេះ។ គណៈកម្មាធិការប្រជាជនទីក្រុងចូវដុក ក៏បានផ្តល់រង្វាន់ដល់សមូហភាព និងបុគ្គលឆ្នើមផ្សេងទៀតផងដែរ។
លោក ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង បានទូងស្គរបើកពិធីបុណ្យលោកយាយភ្នំស្វាមឆាំ្ន២០២៤ - រម្លឹកខួបលើកទី ១០ឆាំ្នពិធីបុណ្យ លោកយាយភ្នំស្វាមបានដាក់ចូលបញ្ជីបេតិកភណ្ឌវប្បធម៌អរូបីជាតិ។
បន្ទាប់ពីរបៀបវារៈទូងស្គររបស់លោក ឡេហុងក្វាង លេខាបក្ខភាគខេត្ត អានយ៉ាង គឺជាការសម្តែងពន្លឺដ៏ប្លែក និងគួរឲ្យចាប់អារម្មណ៍របស់ dronelight ជាង ៣០០ គ្រឿង។ រូបភាពពិធីបុណ្យលោកយាយភ្នំស្វាម និងបណ្តាតួអង្គប្រវត្តិសាស្ត្រ បណ្តាកន្លែងសម្គាល់ពិសេសរបស់ ចូវដុក - អានយ៉ាង តាមរយៈ “ពិធីជប់លៀងពន្លឺ” នៃយន្តហោះគ្មានមនុស្សបើកជាង ៣០០ គ្រឿង បាននាំមកនូវការសម្តែងដ៏ទាក់ទាញសម្រាប់ទស្សនិកជនដែលមានវត្តមាននៅទីធ្លានៃពិធីបុណ្យ។នេះ ក៏ជា លើកដំបូងដែរ ដែលចូវដុកបានអនុវត្តបច្ចេកវិទ្យាទំនើបនេះដើម្បីបើកពិធីបុណ្យ។ ពិធីបុណ្យនេះកាន់តែមានពន្លឺចែងចាំង និងវេទមន្តជាមួយឈុតឆាកសម្តែងរួមបញ្ចូលគ្នានៃឥទ្ធិពលពន្លឺ - តន្ត្រី និងកាំជ្រួចផ្កាមានរយៈពេលជាង ៥ នាទីនៅទីធ្លានៃពិធីបុណ្យ។
ឆ្នាំនេះ រួមជាមួយនឹងពិធីបើកពិធីបុណ្យលោកយាយភ្នំស្វាម យ៉ាងឱឡារិក ក៏មានសកម្មភាពសំខាន់ៗមួយចំនួនទៀត ដើម្បីអភិរក្ស និងលើកតម្កើងតម្លៃបេតិកភណ្ឌរបស់ពិធីបុណ្យដូចជា៖ ពិធីបុណ្យផ្លូវ ថ្វយង៉ុកហូវថ្មីតាន់ឡូគីវលឿង។ រម្លឹកខួបលើកទី ១៩៥ឆាំ្ន ថ្ងៃមរណភាពរបស់ព្រះនាម ថ្វយង៉ុកហូវ (១៨២៩-២០២៤) និងខួបលើកទី ២០០ឆាំ្ន នៃការជីបញ្ចប់ព្រែកវិញទេ(១៨២៤-២០២៤) រួមជាមួយនឹងខួបលើកទី ១៩៨ឆាំ្នថ្ងៃមរណភាពរបស់លោកយាយចូវធីតេ (១៨២៦-២០២៤)។ តាមរយៈសកម្មភាពនានា អានយ៉ាង សង្ឃឹមថានឹងបានផ្សព្វផ្សាយ និងណែនាំដល់មិត្តភក្តិក្នុងប្រទេសនិងអន្តរជាតិអំពីសក្ដានុពល ប្រៀបខ្លាំង រមណីយដ្ឋាន តំបន់ប្រវត្តិសាស្ត្រ វប្បធម៌ និងមនុស្សតំបន់ស៊ីនជាំងដ៏ស្រស់ស្អាត ទាក់ទាញការវិនិយោគ និងភ្ញៀវទេសចរណ៍ រួមចំណែកជំរុញផ្នែកទេសចរណ៍ថ្ងៃកាន់តែអភិវឌ្ឍន៍៕
ប្រែ៖ ណារីពៅ