នៅថ្ងៃ ២៥ ឧសភា ស្នងការដ្ឋាននគរបាលខេត្ត អានយ៉ាងសហការជាមួយគណៈកម្មាធិការប្រជាជនទីក្រុង ចូវដុក ទីរួមខេត្ត ទិញបៀន និងស្រុក អានភូ រៀបចំទទួលគណៈប្រតិភូនគរបាល០២ខេត្តតាកែវនិងកំពង់ឆ្នាំង (ព្រះរាជាណាចក្រកម្ពុជា) និងផ្តល់សម្ភារៈចាំបាច់គាំទ្រដល់ប្រជាជនកម្ពុជា និងជនកម្ពុជាដើមកំណើតវៀតណាមមានស្ថានភាពលំបាកនៅប្រទេសកម្ពុជា។
គណស្នងការនៃស្នងការដ្ឋាននគរបាលខេត្ត អានយ៉ាង(វៀតណាម) ថតរូបអនុស្សាវរីយ៍ជាមួយអស់លោកឧត្តមសេនីយ៍ និងមន្ត្រីនៃស្នងការដ្ឋាននគរបាលខេត្តកំពង់ឆ្នាំង (ព្រះរាជាណាចក្រកម្ពុជា)។
លោកវរៈសេនីយ៍ឯក ឡឹម ភឿកង្វៀន ស្នងការនៃស្នងការដ្ឋាននគរបាលខេត្តអានយ៉ាង(ទី៣ពីស្តាំមក)
ក្នុងបរិយាកាសស្និទ្ធស្នាល លោកវរសេនីយ៍ឯក ឡឹម ភឿកង្វៀន ស្នងការនៃស្នងការដ្ឋាននគរបាលខេត្ត អានយ៉ាង បានសម្តែងនូវសេចក្តីស្រឡាញ់យ៉ាងជិតស្និទ្ធនិងសួរសុខទុក្ខដោយគោរពដល់លោកស្នងការ ជាមួយលោកឧត្តមសេនីយ៍ និងមន្ត្រីនគរបាលទាំងអស់របស់ខេត្តទាំង២ តាកែវ និងកំពង់ឆ្នាំង (ព្រះរាជាណាចក្រកម្ពុជា)។នៅក្នុងកិច្ចជំនួប គណស្នងការនៃស្នងការដ្ឋាននគរបាលខេត្តអានយ៉ាង ថ្នាក់ដឹកនាំ បណ្តាស្រុក ទីរួមខេត្ត ក្រុងជាប់ព្រំដែន បានផ្តល់នូវផលិតផលសម្ភារៈចាំបាច់ដល់ប្រជាជនកម្ពុជា និងជនកម្ពុជាដើមកំណើតវៀតណាមមានស្ថានភាពលំបាកនៅប្រទេសកម្ពុជា ជួយឲ្យពួកគាត់ជំនះបានការលំបាក ឈានឡើងស្ថិរភាពជីវភាព។
លោកវរៈសេនីយ៍ឯក ឡឹម ភឿកង្វៀន ស្នងការនៃស្នងការដ្ឋាននគរបាលខេត្តអានយ៉ាង(ខាងស្តាំ) ប្រគល់ក្តារនិមិត្តរូបសម្រាប់ការគាំទ្រសម្ភារៈចាំបាច់ដល់ស្នងការដ្ឋាននគរបាលខេត្តកំពង់ឆ្នាំង ។
លោកវរៈសេនីយ៍ឯក ឡឹម ភឿកង្វៀន ស្នងការនៃស្នងការដ្ឋាននគរបាលខេត្តអានយ៉ាង(ខាងស្តាំ) ទទួលសារអរគុណពីស្នងការដ្ឋាននគរបាលខេត្តតាកែវ
ថ្លែងមតិនៅក្នុងកិច្ចជំនួបមុខ លោកវរសេនីយ៍ឯក ឡឹមភឿកង្វៀន ស្នងការនគរបាលខេត្តបានសម្តែងនូវគោលបំណងថា ជាមួយនឹងប្រពៃណីផ្សារភ្ជាប់ សាមគ្គីភាព ជួយយិតយោងគ្នា កងកម្លាំងប្រដាប់អាវុធនៅតាមបន្ទាត់ព្រំដែននិយាយរួម និងនគរបាល ៣ខេត្តអានយ៉ាង (វៀតណាម) តាកែវ កំពង់ឆ្នាំង(ព្រះរាជាណាចក្រកម្ពុជា) និយាយដោយឡែកនឹងបន្តសហការយ៉ាងជិតស្និទ្ធ រួមគ្នាបំពេញល្អភារកិច្ចធានាសន្តិសុខសណ្តាប់ធ្នាប់ ដោយបាវចនា៖ “អ្នកជិតខាងល្អ មិត្តភាពប្រពៃណី សហប្រតិបត្តិការគ្រប់ជ្រុងជ្រោយនិងនិរន្តរភាពយូរអង្វែង”។បង្កើនឃោសនា អប់រំដើម្បីប្រជាជនតំបន់ព្រំដែនប្រុងប្រយ័ត្ន រកឃើញ ទប់ស្កាត់ទាន់ពេលនៅល្បិចកល់ សកម្មភាពបំផ្លិចបំផ្លាញ បង្កឲ្យបាត់ស្ថិរភាពរបស់ជនអគតិ រួមចំណែកធានាការពាជាតិ សន្តិសុខ និងរឹតបន្តឹងជាងទៀតចំណងសាមគ្គីភាព មិត្តភាពរវាងប្រជាជននៃប្រទេសទាំងពីរ៕
