នៅរសៀលថ្ងៃទី១៩ ខែឧសភា គណៈកម្មាធិការប្រជាជនខេត្តបានបើកកិច្ចប្រជុំគណៈកម្មការណែនាំថ្នាក់ខេត្តសម្រាប់ការប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៣។ កិច្ចប្រជុំនេះដឹកនាំដោយលោក ឡេវ៉ាំនភឿក អនុប្រធានគណៈកម្មាធិការប្រជាជនខេត្ត ប្រធានផ្នែកគណកម្មការណែនាំការប្រឡងថ្នាក់ខេត្ត ធ្វើអធិបតីភាព។
រាយការណ៍នៅក្នុងកិច្ចប្រជុំ លោក ង្វៀនក្វឹកខាញ់ អនុប្រធានមន្ទីរអប់រំ និងបណ្តុះបណ្តាល អានយ៉ាង បានផ្តល់ព័ត៌មានថា៖ ការប្រឡងសញ្ញាបត្រមធ្យមសិក្សាទុតិយភូមិឆ្នាំ ២០២៣ នឹងប្រព្រឹត្តទៅចាប់ពីថ្ងៃទី ២៨ ដល់ថ្ងៃទី ២៩ ខែមិថុនា ឆ្នាំ ២០២៣។ ការប្រឡងឆ្នាំនេះនៅតែបន្តអនុវត្តគោលដៅយកលទ្ធផលដើម្បីពិនិត្យ និងទទួលស្គាល់ការបញ្ចប់ថ្នាក់វិទ្យាល័យ ធ្វើជាមូលដ្ឋានវាយតម្លៃគុណភាពបង្រៀន និងរៀនរបស់វិទ្យាល័យ និងការងារប្រតិបត្តិការ ណែនាំរបស់ស្ថាបនគ្រប់គ្រងអប់រំ។ តាមរយៈនោះ ការងារមើលប្រឡងមិនមានកម្មាភិបាល សាស្ត្រាចារ្យសកលវិទ្យាល័យ និងអនុមហាវិទ្យាល័យចូលរួមមើលប្រឡងនៅតាមទីតាំងប្រឡងឡើយ។ ក្រសួងអប់រំ និងបណ្តុះបណ្តាលបានចាត់គណៈប្រតិភូទៅអធិការកិច្ច ត្រួតពិនិត្យ និងឃ្លាំមើលការប្រឡង និងឲ្យពិន្ទុនៅខេត្តអានយ៉ាង។ បទប្បញ្ញត្តិប្រឡងឆ្នាំ ២០២៣ ជាមូលដ្ឋានរក្សាបានស្ថិរភាពបែបផែនដែលបានផ្សព្វផ្សាយដូចឆ្នាំ ២០២២ប៉ុន្តែការប្រឡងឆ្នាំនេះមានការកែសម្រួលថ្មីមួយចំនួនបើធៀបនឹងឆ្នាំ ២០២២ គឺសំណុំពាក្យសុំប្រឡងរបស់បេក្ខជនបានលុបចោលផ្នែកតម្រូវឲ្យដាក់“ច្បាប់ចម្លងសៀវភៅគ្រួសារដើម្បីបានទទួលរបបអាទិភាពទាក់ទងដល់នឹងកន្លែងចុះឈ្មោះស្នាក់នៅអចិន្ត្រៃយ៍”។ ចោលខ្លឹមសារដែលអនុញ្ញាតឲ្យបេក្ខជននាំចូលបន្ទប់ប្រឡង នៅប្រភេទម៉ាស៊ីនថតសម្លេង ថតរូបដែលមានតែមុខងារថតតែព័ត៌មានប៉ុណ្ណោះ។
ខេត្តទាំងមូលមានបេក្ខជនចុះឈ្មោះប្រឡងសរុបចំនួន ២០.០០៥នាក់ ក្នុងនោះ៖ មានបេក្ខជនចំនួន ១៩.០១៨នាក់ ចុះឈ្មោះប្រឡងទាំងការប្រឡងសញ្ញាបត្រមធ្យមសិក្សាទុតិយភូមិផងនិងសកលវិទ្យាល័យផង។ បេក្ខជន ៧៣២នាក់ចុះឈ្មោះចូលរួមប្រឡងតែសកលវិទ្យាល័យ។ សន្និដ្ឋានថាខេត្តទាំងមូលនឹងរៀបចំទីតាំងប្រឡងចំនួន៤៦ កន្លែង(ទីតាំងកើនឡើងចំនួន ២ ធៀបនឹងឆ្នាំ ២០២២) ជាមួយនឹងបន្ទប់ប្រឡងជាង ៩០០ និងបន្ទប់រង់ចាំចំនួន ៧០ សម្រាប់បេក្ខជនសេរីដែលមិនមានគ្រប់អត្ថបទប្រឡងរួមបញ្ចូលគ្នា។ បេក្ខជនប្រព័ន្ធអប់រំជាប្រចាំ និងបេក្ខជនសេរីនឹងប្រឡងរួមគ្នាជាមួយសិស្សវិទ្យាល័យ។ មានទីតាំងប្រឡងចំនួន ១១ មានបេក្ខជនសេរីបានបញ្ចប់មធ្យមសិក្សាទុតិភូមិនៅតាមស្រុក ទីរួមខេត្ត និងទីក្រុង។ ទន្ទឹមនិងនោះសន្និដ្ឋានថានឹងរៀបចំទីតាំងប្រឡងបំរុងចំនួន ២ ទៀតសម្រាប់ទប់ស្កាត់ជំងឺរាតត្បាត។
បញ្ចប់កិច្ចប្រជុំ លោក ឡេវ៉ាំនភឿក អនុប្រធានគណកម្មាធិការប្រជាជនខេត្ត លើកសរសើរចំពោះការខិតខំប្រឹងប្រែងអនុវត្តការប្រឡងសញ្ញាបត្រមធ្យមសិក្សាទុតិភូមិឆាំ្ន ២០២២របស់ផ្នែកអប់រំ ផ្នែកពាក់ព័ន្ឋនិងមូលដ្ឋានបានល្អ។ ហើយដើម្បីការប្រឡងសញ្ញាបត្រមធ្យមសិក្សាទុតិយភូមិឆ្នាំ ២០២៣នេះ ប្រព្រឹត្តទៅសុវត្ថិភាព ត្រឹមត្រូវ និងស្របតាមបទប្បញ្ញត្តិ លោក ឡេវ៉ាំនភឿក អនុប្រធានគណៈកម្មាធិការប្រជាជនខេត្ត បានឯកភាពលើខ្លឹមសារស្តីពីពិន្ទុប្រឡង កន្លែងផ្តិតចម្លងសំណួរ បែបផែនរៀបចំ តាមរយៈនោះ ស្នើសមាជិកគណកម្មការណែនាំការប្រឡងឲ្យពិនិត្យឡើងវិញនិងដកបទពិសោធន៍នូវគុណសម្បត្តិនិងវិបត្តិក្នុងការប្រឡងលើកមុនជាបន្ទាន់ ដើម្បីរៀបចំការប្រឡងសញ្ញាបត្រមធ្យមសិក្សាទុតិយភូមិឆាំ្ន ២០២៣នេះ ប្រកបដោយភាពជោគជ័យ។
លោក ឡេវ៉ាំនភឿក អនុប្រធានគណកម្មាធិការប្រជាជនខេត្ត បានចាត់តាំងឲ្យមន្ទីរអប់រំនិងបណ្តុះបណ្តាលសហការយ៉ាងសកម្មជាមួយបណ្តាផ្នែក មូលដ្ឋាននិងបណ្តាស្ថាបនទាក់ទិនរៀបចំការប្រឡងឲ្យធានាថាសុវត្ថិភាព ត្រឹមត្រូវ ហើយស្របតាមបទបញ្ញតិនិងសុវត្ថិភាពបង្ការទប់ស្កាត់ជំងឺ Covid-19 យោងតាមបទប្បញ្ញត្តិ។ ទន្ទឹមនិងនោះបង្កើនការណែនាំដល់សាលារៀននានាឲ្យសកម្មរម្លឹកមេរៀន និងពង្រឹងចំណេះដឹងសម្រាប់ការប្រឡងសញ្ញាបត្រមធ្យមសិក្សាទុតិយភូមិឆាំ្ននេះ។ រៀបចំសន្និបាតហ្វឹកហាត់ ដើម្បីធានាថាកម្មាភិបាល បុគ្គលិកដែលចូលរួមការប្រឡងសុទ្ឋតែបានចូលរួមនិងក្តាប់បានបទបញ្ញតិប្រឡង។ សម្រាប់សុខាភិបាលត្រូវសហការជាវិស័យអប់រំ ដើម្បីធានាសុវត្ថិភាពក្នុងការបង្ការទប់ស្កាត់ជំងឺ Covid-19 ក្នុងពេលប្រឡង៕
ប្រែ៖ណារីពៅ
