រយៈពេលកន្លងទៅ ការកំណត់អត្តសញ្ញាណឧក្រិដ្ឋកម្មគ្រឿងញៀន និងឧក្រិដ្ឋកម្មផ្សេងៗទៀត គឺជាការគំរាមកំហែងយ៉ាងធ្ងន់ធ្ងរដល់សុខភាពមនុស្ស សេដ្ឋកិច្ច សន្តិសុខ សណ្តាប់ធ្នាប់ និងការអភិវឌ្ឍន៍ប្រកបដោយចីរភាពនៃប្រទេសទាំងពីរវៀតណាមនិងកម្ពុជា ហើយភារកិច្ចបង្ការទប់ស្កាត់ឧក្រិដ្ឋកម្មគឺជាទំនួលខុសត្រូវរួមនៃប្រទេសនានាលើពិភពលោក ទាមទារការសហការធ្វើសកម្មភាពក្នុងក្របខ័ណ្ឌនៃកិច្ចសហប្រតិបត្តិការទ្វេភាគី និងពហុភាគី។
យោងតាមនោះព្រឹកថ្ងៃទី៥ឧសភាការិយាល័យទំនាក់ទំនងប្រឆាំងគ្រឿងញៀននិងឧក្រិដ្ឋកម្មឆ្លងព្រំដែន(BLO)ខេត្តអានយ៉ាងបានរៀបចំសន្និបាតចុះហត្ថលេខាលើបទបញ្ជាសហប្រតិបត្តិការរវាងការិយាល័យ BLO អានយ៉ាង និងការិយាល័យ BLO ខេត្តកណ្តាល និងខេត្តតាកែវ - ព្រះរាជាណាចក្រកម្ពុជា។
ទិដ្ឋភាពសន្និបាត
អញ្ជើញចូលរួមសន្និបាតមានឯកឧត្តម យ៉ង់ សុវឌ្ឍនា អភិបាលរងខេត្តតាកែវ។ លោក ត្រឹនអាញ់ធឺ អនុប្រធានគណៈកម្មាធិការប្រជាជនខេត្ត អានយ៉ាង។ លោកវរសេនីយ៍ឯកបម្រុង ហ្វាងតឹមហៀវ - នាយកដ្ឋានរងនៃនាយកដ្ឋានប៉ូលិសស៊ើបអង្កេតគ្រឿងញៀននៃក្រសួងនគរបាល។ បណ្តាសមមិត្តនៅក្នុងគណស្នងការនគរបាលខេត្តអានយ៉ាង ខេត្តតាកែវ ខេត្តកណ្តាល។ ថ្នាក់ដឹកនាំមន្ទីរ ផ្នែក និងថ្នាក់ដឹកនាំនគរបាល នៃអង្គភាព និងមូលដ្ឋានពាក់ព័ន្ធ។
លោក ត្រឹនអាញ់ធឺ អនុប្រធានគណកម្មាធិកាប្រជាជនខេត្តអានយ៉ាងថ្លែងមតិបើកសន្និបាត
ថ្លែងមតិបើកសន្និបាតលោក ត្រឹនអាញ់ធឺ អនុប្រធានគណៈកម្មាធិការប្រជាជនខេត្ត អានយ៉ាង បានគោរពថ្លែងអំណរគុណចំពោះកិច្ចសហប្រតិបត្តិការ និងការគាំទ្ររបស់ការិយាល័យ BLO ខេត្តកណ្តាល និងខេត្តតាកែវ - ព្រះរាជាណាចក្រកម្ពុជានិងនាយកដ្ឋានប៉ូលិសស៊ើបអង្កេតឧក្រិដ្ឋកម្មគ្រឿងញៀននៃ ក្រសួងនគរបាលបានសហការយ៉ាងសកម្ម និងគាំទ្រការិយាល័យ BLO ខេត្តអានយ៉ាង ក្នុងរយៈពេលកន្លង។ តាមរយៈនោះ សង្ឃឹម និងជឿជាក់ថា កិច្ចប្រជុំនេះនឹងក្លាយជាឱកាសដ៏ល្អសម្រាប់ភាគីទាំងពីរចែករំលែកបទពិសោធន៍ក្នុងការរៀបចំ និងប្រតិបត្តិការសកម្មភាពរបស់ BLO ហើយពិភាក្សាគ្នាឈានដល់ការឯកភាពក្នុងការចុះហត្ថលេខាលើបទបញ្ជាសហការរវាងការិយាល័យ BLO ដើម្បីលើកកម្ពស់ប្រសិទ្ធភាពប្រឆាំងឧក្រិដ្ឋកម្មនៅតាមព្រំដែនឥតឈប់ឈរ ។
តំណាងការិយាល័យ BLO ទាំង ០៣ខេត្ត អានយ៉ាង តាកែវនិងកណ្តាល ចុះហត្ថលេខាលើបទបញ្ជាសហប្រតិបត្តិការ
សន្និបាតបានផ្លាស់ប្តូរព័ត៌មានអំពីស្ថានភាព និងលទ្ធផលនៃការប្រយុទ្ធប្រឆាំងឧក្រិដ្ឋកម្មគ្រឿងញៀននៅតាមតំបន់ព្រំដែននៃប្រទេសទាំងពីរ ក៏ដូចជាការវាយតម្លៃលទ្ធផលកិច្ចសហប្រតិបត្តិការរវាងភាគីនានាក្នុងរយៈពេលកន្លង និងពិភាក្សាអំពីទិសដៅ ដំណោះស្រាយលើកកម្ពស់ប្រសិទ្ធភាពសហប្រតិបត្តិការក្នុង ការងារបង្ការទប់ស្កាត់ បង្រ្កាបឧក្រិដ្ឋកម្មគ្រឿងញៀន និងការលាងលុយ រវាងភាគីទាំងពីរនាពេលខាងមុខ។នៅក្នុងសន្និបាត គណៈប្រតិភូនៃការិយាល័យ BLO បានពិភាក្សា និងឯកភាពលើខ្លឹមសារ និងដំណើរការចុះហត្ថលេខាលើបទបញ្ជាស្តីពីសហប្រតិបត្តិការរវាងការិយាល័យ BLO អំពីការផ្លាស់ប្តូរព័ត៌មាន និងដំណើរការធ្វើសកម្មភាពវិជ្ជាជីវៈ។ ផ្លាស់ប្តូរបទដ្ឋានគតិយុត្ត។ បទពិសោធន៍របស់ភាគីនីមួយៗ។ ជួយ និងគាំទ្រគ្នាទៅវិញទៅមកក្នុងការលើកកម្ពស់សមត្ថភាពក្នុងការប្រយុទ្ធប្រឆាំងនឹងឧក្រិដ្ឋកម្មអំពីគ្រឿងញៀន និងឧក្រិដ្ឋកម្មផ្សេងៗនៅតាមព្រំដែន និងឆ្លងកាត់ព្រំដែន រក្សាស្ថិរភាព សន្តិសុខ សណ្តាប់ធ្នាប់តំបន់ព្រំដែន រួមចំណែកអភិវឌ្ឍន៍សេដ្ឋកិច្ច និងសង្គមកិច្ចនៃប្រទេសទាំងពីរ។
លោក វរសេនីយ៍ឯកបម្រុង ហ្វាងតឹមហៀវ នាយកដ្ឋានរងនៃនាយកដ្ឋាននគរបាលស៊ើបអង្កេតឧក្រិដ្ឋកម្មអំពីគ្រឿងញៀន នៃក្រសួងនគរបាល ថ្លែងមតិក្នុងសន្និបាត
វាយតម្លៃខ្ពស់ចំពោះការយកចិត្តទុកដាក់ និងការណែនាំរបស់ថ្នាក់ដឹកនាំខេត្ត អានយ៉ាង វៀតណាម និងខេត្តកណ្តាល ខេត្តតាកែវ ព្រះរាជាណាចក្រកម្ពុជា ដែលបានចំណាយពេលសម្រាប់សកម្មភាពរបស់ការិយាល័យ BLO លោកវរសេនីយ៍ឯកបម្រុង ហ្វាងតឹមហៀវ នាយកដ្ឋានរងនៃនាយកដ្ឋាននគរបាលស៊ើបអង្កេតឧក្រិដ្ឋកម្មអំពីគ្រឿងញៀន នៃក្រសួងនគរបាលបានសង្កត់ធ្ងន់ថា ការងារប្រយុទ្ធប្រឆាំងនឹងឧក្រិដ្ឋកម្មអំពីគ្រឿងញៀន របស់កងកម្លាំងជំនាញនៃប្រទេសទាំងពីរ រយៈពេលកន្លង បានសហប្រតិបត្តិការមានប្រសិទ្ធភាព បានប្រទះឃើញ បង្រាបបានករណីជួញដូរ និងដឹកជញ្ជូនគ្រឿងញៀនធំៗជាច្រើន សកម្មភាពអន្តរផ្លូវ អន្តរខេត្ត និងឆ្លងព្រំដែន។ សន្និបាតនេះក៏ជាភស្តុតាងមួយបង្ហាញពីកិច្ចសន្យានយោបាយ និងការប្តេជ្ញាចិត្តយ៉ាងមុតមាំរបស់រដ្ឋាភិបាលវៀតណាមជាមួយបណ្តាប្រទេសជិតខាង បណ្តាប្រទេសក្នុងតំបន់ និងអន្តរជាតិក្នុងកិច្ចសហប្រតិបត្តិការអន្តរជាតិនៃការតស៊ូប្រយុទ្ធប្រឆាំងនឹងឧក្រិដ្ឋកម្មគ្រឿងញៀនឆ្លងដែន៕
ប្រែ៖ ណារីពៅ
