ចាប់ពីថ្ងៃ ២៨ មេសា ដល់ថ្ងៃទី ២ ឧសភាមជ្ឈមណ្ឌលជំរុញពាណិជ្ជកម្ម និងវិនិយោគតំណាងខេត្ត អានយ៉ាង បានចូលរួមពិធីបុណ្យនំប្រជាប្រិយភាគខាងត្បូងលើកទី ១០ នៅទីក្រុង កឹនធឺ ដោយសកម្មភាពលេចធ្លោជាច្រើន។
បើកការប្រកួតនំប្រជាប្រិយភាគខាងត្បូង
ឆ្នាំនេះ ពិធីបុណ្យមានតូបទំនិញជាង ២០០ បង្ហាញអំពីនំប្រជាប្រិយជាច្រើនប្រភេទមកពីខេត្តក្រុងនៅភាគខាងត្បូង។ បរិយាកាសពិធីបុណ្យបានចែកចេញទៅតាមតំបន់ដូចជាតំបន់ណែនាំនំគ្រប់ប្រភេទ ផលិតផលប្រចាំតំបន់ សិប្បកម្ម និងល្បែងប្រជាប្រិយ។ល។ នេះគឺជាឱកាសសម្រាប់សិប្បករដើម្បីណែនាំពីមុខម្ហូបឆ្ងាញ់ពិសា និងទេពកោសល្យរបស់អ្នកកែច្នៃ ទន្ទឹមនឹងនោះផ្លាស់ប្តូរ រៀនសូត្រនិងចែករំលែកបទពិសោធន៍ជាមួយសិប្បករក្នុងតំបន់។
មកចូលរួមពិធីបុណ្យលើកនេះ អង្គភាពខេត្ត អានយ៉ាង បានចូលរួមខ្លឹមសារចំនួនពីរគឺ តូបលក់ផលិតផល និងការប្រកួតកែច្នៃនំ ដោយសិប្បការិនី Rofiah ជនជាតិចាម ស្នាក់នៅឃុំ ចូវផុង ទីរួមខេត្តតឹនចូវ ជាអ្នកតំណាង។
សិប្បការិនី Rofiah កែច្នៃនំអាកោដុត
នៅតូបនំ សិប្បការិនី Rofiah បានបង្ហាញការកែច្នៃនំអាកោដុតរបស់ជនជាតិចាម អានយ៉ាង។ លើសពីនេះទៀត តូបនំថែមទាំងណែនាំនំរមៀតរបស់ជនជាតិចាម និងនំកន្តំ ស្កត្នោតរបស់ជនជាតិខ្មែរផងដែរ។ ជារៀងរាល់ថ្ងៃ តូបទំនិញទាក់ទាញភ្ញៀវមកទស្សនា និងទិញទំនិញរាប់ពាន់នាក់។
ភ្ញៀវទស្សនាតូបទំនិញខេត្តអានយ៉ាង
ក្រៅពីនេះ សិប្បការិនី Rofiah ក៏បានចូលរួមក្នុងការប្រកួតនំប្រជាប្រិយភាគខាងត្បូង ក្នុងក្របខ័ណ្ឌនៃពិធីបុណ្យផងដែរ។ ការប្រកួតនេះមាន ២៧ក្រុម ដោយនាំយកនៅនំចំនួន ៧៣ មុខ នឹងការចូលរួមរបស់សិប្បករចំនួន ១៦៨នាក់។ អានយ៉ាងចូលរួមប្រកួត ដោយនំហឹរ ដែលជាអាហារប្រពៃណីមួយរបស់ជនជាតិចាម។
តាមរយៈនំ ដែលពោពេញទៅដោយលក្ខណៈពិសេសរបស់ស្រុកកំណើត មជ្ឈមណ្ឌលជំរុញពាណិជ្ជកម្ម និងវិនិយោគសង្ឃឹមថានឹងអាចផ្សព្វផ្សាយរូបភាព វប្បធម៌ប្រពៃណី និងសម្រស់ស្រស់ស្អាតនៃតំបន់ដី និងមនុស្សអានយ៉ាងទៅដល់គ្រប់ទីកន្លែងក្នុងប្រទេស តាមរយៈនោះរួមចំណែកទាក់ទាញភ្ញៀវទេសចរនៅទីជិតឆ្ងាយមកស្វែងយល់និងទទួលបានបទពិសោធន៍នៅអានយ៉ាង៕
ប្រែ៖ ណារីពៅ
